🙏பெண்ணே..!!

 

நாப்கினை செய்தித்தாளில் சுற்றி மறைத்து வாங்குவதை நிறுத்தும் வரை...

சிறிது அஜாக்கிரதையாலோ, இல்லை இரத்தப் பெருக்கு எதிர்பாரா விதமாக அதிகமாவதாலோ, இல்லை எதிர்பாரா நேரம் பீரியட்ஸ் வந்துவிடுவதாலோ, துணியில் சிறது இரத்தக்கறை பட்டவுடன் கூனிகுறுகுவதை நிறுத்தும் வரை,...

ஆண்களின் உள்ளாடைகள் போல், தன் உள்ளாடைகளையும் காயப் போடாமல் மறைத்து போடுவதை நிறுத்தும் வரை,...

தனக்கான தனிப்பட்ட செலவுகளை மட்டுமாவது தன் சுய சம்பாத்தியத்தில் செய்து கொள்ளும் திராணியை வளர்த்துக் கொள்ளாத வரை,...

தன் திருமணத்திற்கான செலவை தன் பெற்றோரோ, உடன் பிறந்த ஆண்மகனோ ஏற்க வேண்டும் என்ற எண்ணத்தை தொலைக்கும் வரை,...

தன் நியாயமான ஆசைகளை நிறைவேற்றிக் கொள்ள கூட உடனிருக்கும் ஆணின் அனுமதிக்கு காத்திருப்பதை நிறுத்தும் வரை,...

விவாகரத்திற்கு பிறகும் தனக்கான வாழ்வாதரத்தை அவனிடம் எதிர்பார்ப்பதை நிறுத்தும் வரை,...

கலவி கொள்ள விருப்பமேற்படின், தயங்காமல் தன் ஆணிடம் கேட்க கூசுவதை நிறுத்தும் வரை,...

தனக்கு ஆர்வமில்லாத விஷயங்களை, பெண் என்ற ஒரே காரணத்திற்காக கட்டாயப்படுத்தி செய்ய வைப்பதை எதிர்காத வரை,...

தன் மீது நம்பிக்கை வைக்காது எல்லாவற்றிற்கும் ஆணை சார்ந்தே வாழும் மனநிலையிலிருந்து விலகாத வரை,...

தனி வரிசை, தனி இடம், ரிசர்வேஷன் என்று பொது இடங்களில் கேட்பதை நிறுத்தும் வரை, ...

திருமணத்தில் தாலி கட்டிக் கொள்வதை சம்பிரதாயத்திற்காக கூட ஏற்பதை எதிர்க்காத வரை,....

திருமணத்திற்கு பிறகு கணவனின் பெயரை தன்னுடன் இணைத்துக் கொண்டு அந்த பெயரில் தன் சுயம் தொலைப்பதை நிறுத்தும் வரை,...

என்றுமே நீ அடிமை தான்..!!!

உன் எண்ணங்களுக்கு, உன் செயல்களுக்கு....

ஆணாதிக்கம் குறித்து பிறகு விவாதிக்கலாம்...!!!