🌹 *மலட்டு மழை:*

 மலடு என்பது உயிர்களிடத்தில் மட்டுமல்ல மண் மலடாகும். மனிதன் மலடாவான் ஜனிக்கும் உயிர்கள் மலடாகும். மழையும் மலடாகும் கேள்விப்பட்டிருக்கிறீர்களா ! ! ?? இடி, மின்னல் இல்லாமல் நன்றாக பெய்து கொண்டிருந்த மழையைப் பார்த்துவிட்டு

"இது மலட்டு மழை. எதுக்கு பெய்யணும்?" என்று சொல்லி சலித்துக் கொண்டார். ஒரு விவசாயி. விவசாயிக்கு மட்டும்தான் இயற்கையின் அத்துணையும் பிடிப்படும்.

எல்லா மழையும் மழையல.இடி,மின்னலோடு பெய்யும் மழை தான் பயிர்களுக்கு நல்லது. அப்படி எனில் இடி மின்னல் இல்லாமல் பெய்யும் மழை? பூமிக்கு நல்லது அல்ல என்று அர்த்தமா? பூமிக்கு மழை நல்லது தான்! தாவரங்களுக்கு தான் முழுமையான நல்லது கிடையாது! இதை அறிய தொடர்ந்து படியுங்கள்.

தாவரங்களில் ஒளிச்சேர்க்கை எனப்படும் நிகழ்ச்சி நடைபெற கார்பன்-டை-ஆக்சைடு எவ்வளவு அவசியமோ, அதே அளவுக்கு அவசியமானது நைட்ரேட். ஆனால் இந்த நைட்ரேட் தாவரங்களுக்கு நேரிடையாக மண்ணிலிருந்தோ, காற்று மண்டலத்திலிருந்தோ கிடைப்பதில்லை. காற்று மண்டலத்தில்தான் நைட்ரஜன் இருக்கும். இடி மின்னலோடு மழை பெய்யும்போது மின்னலில் இருந்து வெளிப்படும் வெப்பமானது காற்று மண்டலத்தில் இருக்கும் ஆக்சிஜன், நைட்ரஜனுடன் வினை புரிந்து நைட்ரஜன் ஆக்சைடாக மாற்றுகிறது. . . . இந்த நைட்ரஜன் ஆக்ஸைட் மழைநீரில் கலந்து நைட்ரிக் அமிலமாக மாறி பூமியில் விழுந்து மண்ணில் கலக்கிறது. மண்ணில் உள்ள தனிமங்களோடு இந்த நைட்ரிக் அமிலம் வினை புரிந்து நைட்ரேட் ஆக மாறுகிறது. ( இடி மின்னல் இருக்கும் போது பெய்யும் மழையில் நனைய கூடாது என்று தாத்தா பாட்டி கூற கேட்டிருக்கிறீர்கள் தானே) (மேலும் இடி மின்னல் அற்ற மழையில் குளித்துவிட்டு வரச் சொல்லியும் அவர்கள் கூறுவார்கள்) பூமியில் உள்ள மண்ணில் கலந்து இருக்கும் இந்த நைட்ரேட் சத்துக்களை தாவரங்கள் வேர்கள் மூலம் உறிஞ்சி தங்கள் வளர்ச்சிக்குப் பயன்படுத்துகின்றன.

நம் முன்னோர்களுக்கு எல்லாமே தெரிந்திருந்து இருக்கிறது. வாழ்வியலோடு இனைத்து வாழ்ந்து உள்ளார்கள். அறிவியல் ஆதாரம் என பதிவு செய்யாமல் போனார்கள். எம் இளம் தலைமுறையே, *அறிவியல் நூல் பிடித்து அகிலத்தில் நிலைக்க ஆவன செய்*