லஞ்சம் கேட்டுள்ளனர்.

 ஈரோடு, ராசாம்பாளையம், எஸ்.எஸ்.பி., நகரில் வசிப்பவர் சண்முகசுந்தரம். தன் விசைத்தறி கூடத்துக்கு, கூடுதல் மின் இணைப்பு கேட்டு, வீரப்பன்சத்திரம் மின் வாரிய அலுவலகத்தில் விண்ணப்பித்தார். அலுவலக உதவி பொறியாளர் சிவக்குமார், 48; திருநகர் காலனி மின் வாரிய உதவி செயற்பொறியாளர் சண்முகத்தை, 54, அறிமுகம் செய்துள்ளார். கூடுதல் மின் இணைப்பு வழங்க இருவருக்கும் தலா, 25 ஆயிரம் ரூபாய் லஞ்சம் கேட்டுள்ளனர்.

இதுகுறித்து ஈரோடு லஞ்ச ஒழிப்பு துறையில், சண்முகசுந்தரம் புகார் செய்தார். அவர்களின் அறிவுரைப்படி, திருநகர் காலனி மின் வாரிய உதவி செயற்பொறியாளர் அலுவலகத்துக்கு, சென்றார்.சிவக்குமாருக்கு போன் செய்து வரவழைத்தார். பின் உதவி செயற்பொறியாளர் சண்முகம் அறைக்கு இருவரும் சென்றனர். ரசாயன பவுடர் தடவிய, 50 ஆயிரம் ரூபாயை சண்முகத்திடம், சண்முகசுந்தரம் கொடுத்தார். அப்போது வளாகத்தில் மறைந்திருந்த லஞ்ச ஒழிப்பு துறை இன்ஸ்பெக்டர் ஆறுமுகம் தலைமையிலான போலீசார், இருவரையும் கையும், களவுமாக கைது செய்தனர். விஜிலென்ஸ் விழிப்புணர்வு வாரம் கடைபிடிக்கப்படும் நிலையில், லஞ்சம் பெற்று மின் வாரிய அலுவலர் இருவர் கைதாகி யுள்ளனர்.